ततोऽहं दशनै रसनां सन्दश्य—सखे ! इमा गान्धर्वादयः कुलाङ्गनाः प्रकामादानप्रदाने महाशुचयस् तद् अजानतैव त्वयेदम् उच्यते । तच् छ्रूयतां—साम्प्रतम् एव स्वाधरामृतोपढौकनेन माम् अतीव सन्तोष्य गान्धर्वया मत्सकाशात् प्रातर् गृहीतकमलरागरेखिकायुगलेन निजवक्षोरुहं परिभूष्य मदुरसि तद् एव चतुर्गुणीकृत्य सायम् एव वितीर्णम् । ललितया च परश्वः सायम् अमृतस्राविचुम्बकरत्नम् एकम् आदाय कलिक्रमेण त्रिगुणीकृत्य परिशोधितम् । विशाखयापि निशीथे परमाग्रहेण मन्मधुराधरामृतम् आदाय स्वसर्वभूतं तद् एव प्रातर् बहुगुणीकृत्य प्रदाय बाढम् आप्यायितोऽस्मि । चम्पकलतादयश् च वारं वारं स्वस्वाभीष्टपदार्थम् आग्रहेणाभिगृह्य काश्चिद् द्विगुणीकृत्य काश्चित् त्रिगुणीकृत्य प्रदाय माम् अतीव सन्तोषितवत्यः । किन्तु आसु जनद्वयी केवलं प्रदाने किञ्चिद् अन्यादृशव्यवसाया वर्तते ।
tato’haṁ daśanai rasanāṁ sandaśya—sakhe ! imā gāndharvādayaḥ kulāṅganāḥ prakāmādāna-pradāne mahā-śucayas tad ajānataiva tvayedam ucyate | tac chrūyatāṁ—sāmpratam eva svādharāmṛtopaḍhaukanena mām atīva santoṣya gāndharvayā mat-sakāśāt prātar gṛhīta-kamala-rāga-rekhikā-yugalena nija-vakṣoruhaṁ paribhūṣya mad-urasi tad eva caturguṇīkṛtya sāyam eva vitīrṇam | lalitayā ca paraśvaḥ sāyam amṛta-srāvi-cumbaka-ratnam ekam ādāya kali-krameṇa tri-guṇī-kṛtya pariśodhitam | viśākhayāpi niśīthe paramāgraheṇa man-madhurādharāmṛtam ādāya sva-sarva-bhūtaṁ tad eva prātar bahu-guṇīkṛtya pradāya bāḍham āpyāyito’smi | campaka-latādayaś ca vāraṁ vāraṁ sva-svābhīṣṭa-padārtham āgraheṇābhigṛhya kāścid dviguṇīkṛtya kāścit triguṇīkṛtya pradāya mām atīva santoṣitavatyaḥ | kintu āsu jana-dvayī kevalaṁ pradāne kiñcid anyādṛśa-vyavasāyā vartate |
Тогда я прикусил язык: «Друг! Эти честные жёны, Гандхарва и прочие, безупречны в том, как берут и отдают, — ты говоришь так, не зная. Послушай. Только что Гандхарва, сильно порадовав меня подношением нектара своих губ, вернула мне долг: утром она взяла у меня пару алых полосок, чтобы украсить ими свою грудь, — а вечером вчетверо вернула их на мою. Лалита позавчера вечером взяла у меня один источающий нектар камень-поцелуй — и своим чередом, в игре, вернула его втрое. Вишакха в полночь очень настойчиво взяла нектар моих сладких губ — а утром отдала его многократно, и я сильно освежился. Чампакалата и прочие не раз настойчиво брали у меня, что хотели, и одни возвращали вдвое, другие втрое, чем очень меня радовали. Но две из них ведут себя в отдаче несколько иначе».
5584650f561b · प्रकाशित 24 सित॰ 2026, 8:35:51 am UTC
उपलब्ध भाषाएँRUश्लोक बदलें इन कुंजियों से