ततस् तच् छ्रुत्वा क्रोधेन कम्पमान इव मधुमङ्गलः प्राह—अये अवद्यवादिनि गर्विताभीरिके ! एतद् दुःश्रवणनर्मोत्कटकटुलवणदिग्धदग्धार्धपर्युषितवाग्गोधूमरोटिकाः संभोज्य मम मधुरकर्णाव् एव सुष्ठु कटूकृतौ, किं पुनर् मुखविवरम् । तद् विदूषकगोपवधूनां युष्माकं छायानिकटभूमिम् अपि कदापि न स्पृशामि । किन्तु प्रातर् एवास्मज्जातियाज्ञिकवधूवर्गम् उपसर्पिष्यामि । ततस् तेन परमादरेण मच्चरणक्षालनपूर्वकं कौशेयदुकूले परिधाप्य सकर्पूरवासितोपलापानकमधुरपरमान्नससैन्धवार्द्रकलिम्पाकनानाविधव्यञ्जनवेष्टितसघृतसुगन्धिशाल्यन्नफानितशष्कुलीकुण्डलिकालड्डुकघनावर्तितदुग्धरसालासशर्करबद्धदधिविविधबटकोत्तममरीचादिभिस् तथाहं भोजयिष्ये । यथा वर्त्मनि सुच्छायतरुमूलेषु स्वपन् स्वगृहम् आगत्य सङ्गवावधि स्वपन्न् एव तिष्ठामि ।
tatas tac chrutvā krodhena kampamāna iva madhumaṅgalaḥ prāha—aye avadyavādini garvitābhīrike ! etad duḥśravaṇa-narmotkaṭa-kaṭu-lavaṇa-digdha-dagdhārdha-paryuṣita-vāg-godhūma-roṭikāḥ saṁbhojya mama madhura-karṇāv eva suṣṭhu kaṭūkṛtau, kiṁ punar mukha-vivaram | tad vidūṣaka-gopa-vadhūnāṁ yuṣmākaṁ chāyā-nikaṭa-bhūmim api kadāpi na spṛśāmi | kintu prātar evāsmaj-jāti-yājñika-vadhū-vargam upasarpiṣyāmi | tatas tena paramādareṇa mac-caraṇa-kṣālana-pūrvakaṁ kauśeya-dukūle paridhāpya sakarpūra-vāsitopalāpānaka-madhura-paramānna-sasaindhavārdraka-limpāka-nānā-vidha-vyañjana-veṣṭita-saghṛta-sugandhi-śālyanna-phānita-śaṣkulī-kuṇḍalikā-laḍḍuka-ghanāvartita-dugdha-rasālā-saśarkara-baddha-dadhi-vividha-baṭakottama-marīcādibhis tathāhaṁ bhojayiṣye | yathā vartmani succhāya-taru-mūleṣu svapan sva-gṛham āgatya saṅgavāvadhi svapann eva tiṣṭhāmi |
Услышав это, Мадхумангала, будто дрожа от гнева, сказал: «Ах ты, сквернословка, гордая пастушка! Ты накормила меня полусгоревшими чёрствыми пшеничными лепёшками слов, вымазанными едкой солью грубых шуток, — и мои сладкие уши совсем прогоркли, что уж говорить о рте! Так что я больше не ступлю даже на землю возле тени вас, шутовских жён пастухов. А завтра утром пойду к жёнам жрецов моей касты. Они с великим почтением омоют мне ноги, оденут в шёлк и накормят: камфарным леденцовым питьём, сладкой рисовой кашей, имбирём с каменной солью, лаймами, разными овощами, душистым рисом шали с топлёным маслом, патокой, пирожками-шашкули, кундали, ладду, топлёным молоком, пряным творогом, сладкой простоквашей, всякими отборными ватаками, перцем и прочим, — так, что я усну по дороге в тени деревьев, а придя домой, просплю до полуденного выгона коров!»
f47714e042ec · प्रकाशित 24 सित॰ 2026, 8:35:51 am UTC
उपलब्ध भाषाएँRUश्लोक बदलें इन कुंजियों से