इति निशम्य हसन्तीषु सर्वासु परमानन्दजनितकम्पादिसात्त्विकविकारान् भयेनेवाच्छादयन्ती चम्पकलता प्रपलाय्य कुञ्जान्तराले प्रविष्टा राधां पृष्ठे समालिङ्ग्य निलीनासीत् ।
ततोऽहं चित्रां मौक्तिकानि हस्ते चालयन्न् उक्तवान्—चित्रे ! समक्षम् आगत्य मौक्तिकमूल्यं शृणु । शृङ्गारकर्मविचक्षणायास् तव मूर्तिमञ्जुषिकायां तत्साधनानि बहूनि सन्तीति त्वत्प्राणप्रेष्ठसख्या कथितम् अस्ति । तैर् विचित्रशृङ्गारेण मत्प्रत्यङ्गानि तथा भूषय यथाहम् अपि त्वद्वक्षःस्थकाञ्चनघटद्वयम् अर्धचन्द्रपत्राङ्कुरादिभिः सन्तोषेणालङ्कृत्य त्वत्कौशलविशेषं त्वत्प्रियसखीराधिकापुरतः सुष्ठु सङ्कीर्त्य ताम् आनन्दयामीति ।
iti niśamya hasantīṣu sarvāsu paramānanda-janita-kampādi-sāttvika-vikārān bhayenevācchādayantī campakalatā prapalāyya kuñjāntarāle praviṣṭā rādhāṁ pṛṣṭhe samāliṅgya nilīnāsīt |
tato’haṁ citrāṁ mauktikāni haste cālayann uktavān—citre ! samakṣam āgatya mauktika-mūlyaṁ śṛṇu | śṛṅgāra-karma-vicakṣaṇāyās tava mūrti-mañjuṣikāyāṁ tat-sādhanāni bahūni santīti tvat-prāṇa-preṣṭha-sakhyā kathitam asti | tair vicitra-śṛṅgāreṇa mat-pratyaṅgāni tathā bhūṣaya yathāham api tvad-vakṣaḥ-stha-kāñcana-ghaṭa-dvayam ardha-candra-patrāṅkurādibhiḥ santoṣeṇālaṅkṛtya tvat-kauśala-viśeṣaṁ tvat-priya-sakhī-rādhikā-purataḥ suṣṭhu saṅkīrtya tām ānandayāmīti |
छन्द अज्ञात
Услышав это, все засмеялись, а Чампакалата, будто от страха пряча признаки высшего блаженства — дрожь и прочее, — убежала в беседку, обняла Радху сзади и спряталась за ней. Тогда я, перебирая в руке жемчуг, сказал Читре: «Читра! Подойди и выслушай цену жемчуга. Твоя задушевная подруга говорила, что ты искусна в украшении и в шкатулке твоего тела много для этого средств. Так распиши ими мои члены так дивно, чтобы и я, довольный, украсил пару золотых кувшинов на твоей груди полумесяцами, узорами из листьев и прочим — и, хорошенько расхвалив твоё особое искусство перед твоей милой подругой Радхикой, порадовал её».
60f051a652dc · प्रकाशित 24 सित॰ 2026, 8:35:51 am UTC
उपलब्ध भाषाएँRUश्लोक बदलें इन कुंजियों से