तत्र च सद्भावलया वलयाकारास्त्रिचतुरास्त्रिचतुराभाः पङ्क्तयः । तासां च प्रणयभुव्यवहितानां व्यवहितानां च परस्परं प्रतिजनमभिमुखमुखकमलतया वर्तमानः प्रत्येकं “ममैवायमभिमुखमुखः” इत्यभिमानमानयन् “सर्वतोऽक्षिशिरोमुखम्” इति प्राचां वाचां वान्वयमभिनयन् “भो भो भोभोज्ज्वलनिष्काः! निष्कासयत भक्ष्यसामग्रीमग्रीयाम्” इति श्रीकृष्णो यदा निजगाद, तदैव शिक्यतो निष्कास्य केचित् सुपरिच्छदेषु च्छदेषु, केचित् कुसुमेषु कुसुमेषु, केचिद्विमलताखण्डेषु लताखण्डेषु, केचन सुरश्मिषु रश्मिषु, केचन अचपलेषूपलेषूत्तमेषु, केचिदतिस्तवकेषु स्तवकेषु, केचित्तत्त्तत्करसंस्पर्शसफलेषु फलेषु, केचिदचञ्चलेष्वञ्चलेष्वमलवसनानाम्, केचित् सुरेखानिकरेषु करेषु, केचिदूरुषूरुषूपनिधाय निजनिजभोज्यादग्र्यमग्र्यतिशयसारं श्रीकृष्णाय पत्रपुटकेषु निधायोपकल्पयामासुः ॥60॥
tatra ca sadbhāvalayā valayākārāstricaturāstricaturābhāḥ paṅktayaḥ | tāsāṁ ca praṇayabhuvyavahitānāṁ vyavahitānāṁ ca parasparaṁ pratijanamabhimukhamukhakamalatayā vartamānaḥ pratyekaṁ “mamaivāyamabhimukhamukhaḥ” ityabhimānamānayan “sarvato'kṣiśiromukham” iti prācāṁ vācāṁ vānvayamabhinayan “bho bho bho-bhojjvalaniṣkāḥ! niṣkāsayata bhakṣyasāmagrīmagrīyām” iti śrīkṛṣṇo yadā nijagāda, tadaiva śikyato niṣkāsya kecit suparicchadeṣu cchadeṣu, kecit kusumeṣu kusumeṣu, kecidvimalatākhaṇḍeṣu latākhaṇḍeṣu, kecana suraśmiṣu raśmiṣu, kecana acapaleṣūpaleṣūttameṣu, kecidatistavakeṣu stavakeṣu, kecittatttatkara-saṁsparśasaphaleṣu phaleṣu, kecidacañcaleṣvañcaleṣvamalavasanānām, kecit surekhānikareṣu kareṣu, kecidūruṣūruṣūpanidhāya nijanijabhojyādagryamagryatiśayasāraṁ śrīkṛṣṇāya patrapuṭakeṣu nidhāyopakalpayāmāsuḥ ||60||
А там ряды, в три-четыре кольца, в форме браслетов, сияли любовью; и каждый — и сидевший рядом, и дальний — видел перед собой лицо-лотос Кришны и гордился: «Он глядит прямо на меня!» — будто разыгрывая древнее слово: «Всюду у него глаза, головы и лица». И когда Шри Кришна сказал: «Эй, эй, сияющие золотом! Доставайте лучшую еду!» — они тотчас достали её из сеток и разложили: одни — на хороших листьях, другие — на цветах, третьи — на кусках чистой лианы, четвёртые — на сияющих гладких камнях, иные — на пышных соцветиях, иные — на плодах, получивших удачу от касания рук, иные — на краях чистых одежд, иные — на ладонях, иные — на коленях; а лучшее от своей еды каждый клал в листовые чашечки для Шри Кришны.
94a8924d8a9e · published Sep 28, 2026, 10:59:32 PM UTC
Available inRUPage between verses with
Цитата «всюду у него глаза, головы и лица» — «Шветашватара-упанишада» 3.16 и БГ 13.14. Посуда из листьев, цветов и коры — ШБ 10.13.9.