ततस् तुङ्गविद्या प्राह—अस्माभिर् अपि श्रीभगवतीपादपद्मसिद्धमन्त्रशिष्यानान्दीमुखीसकाशात् सिद्धमन्त्रम् एकम् आदाय कथं न तथोद्यमः क्रियते ?
सर्वाः—भद्रं वदति तुङ्गविद्येति निर्णीय तत्पार्श्वम् उपेत्य सविनयम् आत्माभिलाषं निवेदयामासुः ।
ततो नान्दीमुखी स्वगतम् आह—अये निजनयनयुग्मदृष्टिसाफल्याय चिरदिनम् अस्मद्विधाभिलष्यमाणक्रयविक्रयक्रीडाकुतूहलकल्पतरोर् बाढम् अकस्माद् अस्मादृशां भाग्यातिशयवशात् साक्षाद् बीजरूपोऽयम् अवसरः प्रत्यासन्नो बभूव । तद्विदग्धानां शिरोमणीर् अप्य् एतास् तथा युक्तिसौष्ठवातिशयेन कृत्येऽत्र प्रवर्तयामि । यथा स तरुस् त्वरितम् एव प्ररूढः फलवान् भवेद् इति मनसि विचिन्त्य सान्तरानन्दं नान्दी प्राह—भोः सख्यः । सत्यं मुकुन्दस्य न मन्त्रकृतेयं मृदि मौक्तिकसृष्टिः ।
tatas tuṅgavidyā prāha—asmābhir api śrī-bhagavatī-pāda-padma-siddha-mantra-śiṣyā-nāndīmukhī-sakāśāt siddha-mantram ekam ādāya kathaṁ na tathodyamaḥ kriyate ?
sarvāḥ—bhadraṁ vadati tuṅgavidyeti nirṇīya tat-pārśvam upetya sa-vinayam ātmābhilāṣaṁ nivedayāmāsuḥ |
tato nāndīmukhī svagatam āha—aye nija-nayana-yugma-dṛṣṭi-sāphalyāya cira-dinam asmad-vidhābhilaṣyamāṇa-kraya-vikraya-krīḍā-kutūhala-kalpa-taror bāḍham akasmād asmādṛśāṁ bhāgyātiśaya-vaśāt sākṣād bīja-rūpo’yam avasaraḥ pratyāsanno babhūva | tad-vidagdhānāṁ śiromaṇīr apy etās tathā yukti-sauṣṭhavātiśayena kṛtye’tra pravartayāmi | yathā sa tarus tvaritam eva prarūḍhaḥ phalavān bhaved iti manasi vicintya sāntarānandaṁ nāndī prāha—bhoḥ sakhyaḥ | satyaṁ mukundasya na mantra-kṛteyaṁ mṛdi mauktika-sṛṣṭiḥ |
未能识别诗律
Тогда Тунгавидья сказала: «А почему бы и нам не взять чудесную мантру у Нандимукхи, ученицы, что обрела мантры у лотосных стоп владычицы, — и так же взяться за дело?» Все решили: «Тунгавидья говорит дело», — пошли к Нандимукхи и смиренно рассказали о своём желании. Нандимукхи сказала про себя: «Ах! По какой-то великой нашей удаче вдруг подоспел случай — само семя древа желаний, забавной игры купли и продажи, которую мы так давно мечтали увидеть, чтобы наши глаза не зря смотрели на свет. Так я с таким искусством втяну в это дело даже их, венцы всех хитроумных, что древо тут же взойдёт и принесёт плоды». Подумав так, Нанди с затаённой радостью сказала: «Подруги! Верно: Мукунда растит жемчуг в земле не мантрой».
b22c4699c920 · 发布于 2026年9月24日 08:35:51 UTC
可用语言RU用方向键翻颂
Владычица — Паурнамаси, наставница Нандимукхи.