सुबलः प्राह—एवं निवेदयन्ति, « मधुपुरी तावद् दूरे समग्रमूल्यद्रव्याणां च समाचयनं दिनद्वयमध्य एव सम्पद्यते । गुरुकुलं तु मौक्तिकालङ्काराद्यदर्शनात् क्षणे क्षणे खिद्यमानं बाढम् आक्रोशति । अतोऽतिस्निग्धान् भवद्विधान् अवगत्य लज्जाम् अपि परिहाय निर्जनवनान्तरम् आगतानाम् अस्माकम् ऋणेनैव मौक्तिकानि दापयित्वा द्रुतम् एव विदायः क्रियताम् । मूल्यद्रव्याण्य् अस्माभिर् भवताम् अभीप्सितवृद्धिसहितानि दिनद्वयाभ्यन्तरे परिशोध्य प्रहेयाणि । यद्य् अस्मासु भवद्वयस्यस्य प्रतीतिर् न जायते, तदा त्वम् एवास्माकं प्रतिभूर् भव » इति । तस्मात् परमप्रतीतिपात्राभ्यः सन्ततसत्यवादिनीभ्य एताभ्यः प्रतीतिं कृत्वा दत्तेषु मौक्तिकेषु मूल्यद्रव्यम् अभीप्सितवृद्धिश् चाचिराल् लप्स्यते । तथैताभिः सह निविडस्नेहोऽपि वर्धिष्यत एव ।
subalaḥ prāha—evaṁ nivedayanti, « madhu-purī tāvad dūre samagra-mūlya-dravyāṇāṁ ca samācayanaṁ dina-dvaya-madhya eva sampadyate | guru-kulaṁ tu mauktikālaṅkārādy-adarśanāt kṣaṇe kṣaṇe khidyamānaṁ bāḍham ākrośati | ato’tisnigdhān bhavad-vidhān avagatya lajjām api parihāya nirjana-vanāntaram āgatānām asmākam ṛṇenaiva mauktikāni dāpayitvā drutam eva vidāyaḥ kriyatām | mūlya-dravyāṇy asmābhir bhavatām abhīpsita-vṛddhi-sahitāni dina-dvayābhyantare pariśodhya praheyāṇi | yady asmāsu bhavad-vayasyasya pratītir na jāyate, tadā tvam evāsmākaṁ pratibhūr bhava » iti | tasmāt parama-pratīti-pātrābhyaḥ santata-satya-vādinībhya etābhyaḥ pratītiṁ kṛtvā datteṣu mauktikeṣu mūlya-dravyam abhīpsita-vṛddhiś cācirāl lapsyate | tathaitābhiḥ saha niviḍa-sneho’pi vardhiṣyata eva |
Субала: «Вот о чём они просят: „Мадхупури далеко, а собрать всю плату товарами удастся лишь за два дня. Старшие же, не видя жемчужных украшений, всякий миг сокрушаются и сильно бранят нас. Зная, как вы нас любите, мы, отбросив даже стыд, пришли в глухой лес. Дайте нам жемчуг в долг и поскорее отпустите. Плату с желанными вам процентами мы за два дня покроем и пришлём. А если твой друг нам не верит, будь сам нашим поручителем“. Так что поверь им, всегда правдивым и во всём заслуживающим доверия: за отданный жемчуг ты скоро получишь плату и желанные проценты. А заодно и твоя крепкая дружба с ними только умножится».
bad85b5c8617 · 发布于 2026年9月24日 08:35:51 UTC
可用语言RU用方向键翻颂