सर्वाः—कपटिनि ! कथंकारम् ?
नान्दीमुखी—यतो गर्विताभिर् युष्माभिर् ढक्कावाद्यवत् कोलाहलप्रपञ्चेन सवयस्यगणस्य तस्य श्रवणकुहरे सुष्ठुगोचरीकृत्य केदारिकासु मुक्ताः स्फुटम् उप्ताः । तथा कोऽप्य् एकः प्रहरिकोऽपि तत्र न रक्षितः ।
सर्वाः—एतावता किं न जातम् ?
नान्दी सरोषम्—यज् जातं तच् चतुरंमन्याभिः श्रूयताम् । युष्मान् विजेतुम् अभीष्टमिष्टान्नप्रदानेन सुष्ठु प्रलोभ्य धूर्तगुरुणा युष्मन्नागरेण तेन प्रेरितलोलुपभण्डमधुमङ्गलेनातिनिर्बद्धतो विचित्य किञ्चिज् जाताङ्कुराः सर्वा मुक्ता निरवशेषं समादाय तत्र तत्र हिंस्रावल्लीकदम्बान् समारोप्य कियत्यः पृथक् स्वकृत एकस्मिन् केदारे प्रत्नतः संरोपिताः । तथान्यासां तु तथैवानीय कालिन्दीगभीरनीरान्तः प्रक्षिप्ताः । इति मया सुदृढं ज्ञातम् अस्ति ।
sarvāḥ—kapaṭini ! kathaṁ-kāram ?
nāndīmukhī—yato garvitābhir yuṣmābhir ḍhakkā-vādyavat kolāhala-prapañcena savayasya-gaṇasya tasya śravaṇa-kuhare suṣṭhu-gocarīkṛtya kedārikāsu muktāḥ sphuṭam uptāḥ | tathā ko’py ekaḥ prahariko’pi tatra na rakṣitaḥ |
sarvāḥ—etāvatā kiṁ na jātam ?
nāndī sa-roṣam—yaj jātaṁ tac caturaṁ-manyābhiḥ śrūyatām | yuṣmān vijetum abhīṣṭa-miṣṭānna-pradānena suṣṭhu pralobhya dhūrta-guruṇā yuṣman-nāgareṇa tena prerita-lolupa-bhaṇḍa-madhumaṅgalenāti-nirbaddhato vicitya kiñcij jātāṅkurāḥ sarvā muktā niravaśeṣaṁ samādāya tatra tatra hiṁsrā-vallī-kadambān samāropya kiyatyaḥ pṛthak sva-kṛta ekasmin kedāre pratnataḥ saṁropitāḥ | tathānyāsāṁ tu tathaivānīya kālindī-gabhīra-nīrāntaḥ prakṣiptāḥ | iti mayā sudṛḍhaṁ jñātam asti |
未能识别诗律
Все: «Обманщица! Как это?» Нандимукхи: «Да ведь вы, гордячки, сеяли жемчуг в грядки открыто, с шумом, как под барабан, так что это хорошо дошло до ушей его и его друзей. И ни одного сторожа там не поставили». Все: «И что же из этого вышло?» Нанди (с сердцем): «Что вышло — слушайте, умницы! Чтобы победить вас, ваш ухажёр, наставник плутов, хорошенько подкупил желанным угощением обжору-шута Мадхумангалу и послал его. Тот усердно поискал, забрал без остатка весь едва проросший жемчуг, а взамен насажал там и тут кусты ядовитых сорняков. Часть жемчуга он заранее отдельно посадил на одной грядке самого Кришны, а остальной так же унёс и бросил в глубокие воды Калинди. Это я знаю наверняка».
9759006b90e6 · 发布于 2026年9月24日 08:35:51 UTC
可用语言RU用方向键翻颂