ततस् तासां मुक्ताकृषिकरणश्रवणान् मात्सर्यतो लोभतश् च चन्द्रावलीप्रभृतयोऽपि सर्वा बल्लव्यस् ततोऽप्य् अधिककेदारिकाः स्थाने स्थाने कृत्वा देहगेहयोर् एकम् अप्य् असंरक्ष्य समस्तमौक्तिकान्य् उप्तवत्यः ।
ततः कतिपयदिनान्तरे स्वस्वकेदारिकासु जातान् हिंस्रलताङ्कुरान् दृष्ट्वा अन्तर्गर्भितगर्वाभिर् वल्लभीभिस् ताभिः सर्वाभिश् छलतो मत्प्रियवयस्याः परिहस्यन्ते स्म ।
एकस्मिन् दिने गोरसानाम् अतीवव्ययं स्वस्वगृहस्य च निमौक्तिकतां वीक्ष्य गोपाः ससंरम्भं कारणं पप्रच्छुः । तच् छ्रुत्वा वृद्धा ऊचुः—भो आयुष्मन्तः ! नानुयोगविषयोऽयम् आभिर् बालाभिः कृतो मौक्तिककेदारिकानां निमित्तं बहुलो व्ययोऽचिराद् एव बहुतरलाभो भविष्यति । यत् कृष्णकेदारिकायां राजदाराणाम् अपि दुर्लभानि मुक्ताफलानि किल दृष्टानि सन्तीति ।
tatas tāsāṁ muktā-kṛṣi-karaṇa-śravaṇān mātsaryato lobhataś ca candrāvalī-prabhṛtayo’pi sarvā ballavyas tato’py adhika-kedārikāḥ sthāne sthāne kṛtvā deha-gehayor ekam apy asaṁrakṣya samasta-mauktikāny uptavatyaḥ |
tataḥ katipaya-dināntare sva-sva-kedārikāsu jātān hiṁsra-latāṅkurān dṛṣṭvā antar-garbhita-garvābhir vallabhībhis tābhiḥ sarvābhiś chalato mat-priya-vayasyāḥ parihasyante sma |
ekasmin dine go-rasānām atīva-vyayaṁ sva-sva-gṛhasya ca nimauktikatāṁ vīkṣya gopāḥ sa-saṁrambhaṁ kāraṇaṁ papracchuḥ | tac chrutvā vṛddhā ūcuḥ—bho āyuṣmantaḥ ! nānuyoga-viṣayo’yam ābhir bālābhiḥ kṛto mauktika-kedārikānāṁ nimittaṁ bahulo vyayo’cirād eva bahutara-lābho bhaviṣyati | yat kṛṣṇa-kedārikāyāṁ rāja-dārāṇām api durlabhāni muktā-phalāni kila dṛṣṭāni santīti |
未能识别诗律
Услышав, что они выращивают жемчуг, Чандравали и все прочие пастушки из зависти и жадности тоже устроили там и тут грядки ещё больше, не оставив себе ни на теле, ни дома ни одной жемчужины, и посеяли весь жемчуг. Через несколько дней все эти красавицы увидели в своих грядках ростки ядовитых сорняков — но, пряча в себе гордость, хитро подшучивали над моими милыми друзьями. Однажды пастухи, видя, что молочного уходит непомерно много, а дома остались без жемчуга, в гневе спросили о причине. Услышав, старухи сказали: «Эй, долгожители! Не о чем тут спрашивать. Девочки потратились много на жемчужные грядки — зато скоро получат куда больше: ведь на грядке Кришны, говорят, видели жемчуг, какого не сыщут и царские жёны».
71076c0a015d · 发布于 2026年9月24日 08:35:51 UTC
可用语言RU用方向键翻颂