ततः साश्चर्यं पर्यवोलोकमानेषु तेषु देवी वक्ष्यति—कथं वेह सन्देहः क्रियते ? पूर्वत एव तावद् उभयविधा एता नापूर्वतया मन्तव्याः । पूर्वासां सजातीया द्वितीया हि योगमायाज्ञया गर्गविघ्नं निघ्नत्या मायया मया निर्मिताः । संज्ञायाश् छायावत् रत्यास् तन्मायाकल्पितावच् च ।
ताश् चेमा गृहगृहात् संगृह्णामि इति तथाह्नाय सापह्नवं कुलवधूमध्ये विधाय पुनर् वक्ष्यति—लक्ष्यतां कुलपालिकाभिर् उभयविलक्षणता । यत् परमलक्ष्मीलक्ष्माणि प्रागागतानाम् एव लक्ष्यन्ते नार्वागागतानाम् । तथा मणितत्त्वदृशाम् इव तादृशां दृष्टिभिर् एव नेत्रानन्दकसौन्दर्यविशेषवृष्टिस् ताभ्य एव लभ्या, न त्व् अन्यासां, न च पुनर् आभ्यश् चाक्चिक्यचिक्वणकाचतुल्याभ्यः ।
tataḥ sāścaryaṁ paryavolokamāneṣu teṣu devī vakṣyati—kathaṁ veha sandehaḥ kriyate ? pūrvata eva tāvad ubhaya-vidhā etā nāpūrvatayā mantavyāḥ | pūrvāsāṁ sajātīyā dvitīyā hi yogamāyājñayā garga-vighnaṁ nighnatyā māyayā mayā nirmitāḥ | saṁjñāyāś chāyā-vat ratyās tan-māyā-kalpitāvac ca |
tāś cemā gṛha-gṛhāt saṁgṛhṇāmi iti tathāhnāya sāpahnavaṁ kula-vadhū-madhye vidhāya punar vakṣyati—lakṣyatāṁ kula-pālikābhir ubhaya-vilakṣaṇatā | yat parama-lakṣmī-lakṣmāṇi prāg-āgatānām eva lakṣyante nārvāg-āgatānām | tathā maṇi-tattva-dṛśām iva tādṛśāṁ dṛṣṭibhir eva netrānandaka-saundarya-viśeṣa-vṛṣṭis tābhya eva labhyā, na tv anyāsāṁ, na ca punar ābhyaś cākcikya-cikvaṇa-kāca-tulyābhyaḥ |
размер не определён
И когда все будут в изумлении оглядываться, Богиня скажет: „Отчего здесь сомнение? Прежде всего, не считайте их небывалыми: обе стороны были и прежде. Вторые, подобные первым, созданы мною, майей, по повелению Йогамайи, чтобы отвести препятствие Гарги, — как тень Санджни или как майя-Рати. И этих я забираю из всех домов“. И, тотчас скрыв их среди жён рода, скажет снова: „Пусть хранительницы рода посмотрят на разницу между теми и другими: знаки высшей Лакшми видны лишь у пришедших прежде, а не у пришедших позже. И как у знатоков самоцветов, лишь от одного их взгляда льётся особый дождь красы, радующей глаза, — не от других, и уж не от этих, подобных блестящему стеклу“.
d376f4c1516e · опубликовано 25 сент. 2026 г., 01:47:18 UTC
Доступно наRUЛистайте стихи клавишами
Перевод приблизителен. Санджня — супруга Солнца, оставившая вместо себя тень; майя-Рати — облик жены Камы в доме Шамбары.