श्रीभगवद्विषयकरतिप्रदत्वम् उक्तम् । एवं निर्जितषड्वर्गैः क्रियते भक्तिर् ईश्वरे इत्यादिना । यत् तु—अस्त्व् एवम् अङ्ग भगवान् भजतां मुकुन्दो मुक्तिं ददाति कर्हिचित् स्म न भक्तियोगम् इत्य् उक्त्यापि तद्रतिर् न प्राप्यत इति शङ्क्यते, तत् खल्व् अविवेकाद् एव । कर्हिचिद् इति भक्तियोगाख्यतद्रतिपुरुषार्थतायां शैथिल्ये सत्य् एवेत्य् अर्थलाभात्, "कर्हिचिद् अपि" अनुक्तत्वात्, असाकल्ये तु चिच्चनौ इत्य् अमरकोषाच् च । तथापि यद्यपि चिरम् आवृत्तिः स्यात्, तदा रतिम् अपि ददाति—सत्यं दिशत्य् अर्थितम् अर्थितो नॄणाम् इत्यादेर् इति च कर्हिचित्पदेन गम्यते । भक्तविषयकभगवत्प्रीत्येकहेतुत्वम् अप्य् उदाहृतम्, नालं द्विजत्वं देवत्वम् इत्यादि । तथा चाह— मन्ये धनाभिजनरूपतपःश्रुतौजस् तेजःप्रभावबलपौरुषबुद्धियोगाः । नाराधनाय हि भवन्ति परस्य पुंसो भक्त्या तुतोष भगवान् गजयूथपाय ॥ अभिजनः सत्कुलजन्म । बुद्धिर् ज्ञानयोगः । योगोऽष्टाङ्गः ॥ ॥
śrī-bhagavad-viṣayaka-rati-pradatvam uktam | evaṁ nirjita-ṣaḍ-vargaiḥ kriyate bhaktir īśvare ity-ādinā | yat tu—astv evam aṅga bhagavān bhajatāṁ mukundo muktiṁ dadāti karhicit sma na bhakti-yogam ity uktyāpi tad-ratir na prāpyata iti śaṅkyate, tat khalv avivekād eva | karhicid iti bhakti-yogākhya-tad-rati-puruṣārthatāyāṁ śaithilye saty evety artha-lābhāt, "karhicid api" anuktatvāt, asākalye tu cic-canau ity amara-koṣāc ca | tathāpi yadyapi ciram āvṛttiḥ syāt, tadā ratim api dadāti—satyaṁ diśaty arthitam arthito nṝṇām ity-āder iti ca karhicit-padena gamyate | bhakta-viṣayaka-bhagavat-prīty-eka-hetutvam apy udāhṛtam, nālaṁ dvijatvaṁ devatvam ity-ādi | tathā cāha— manye dhanābhijana-rūpa-tapaḥ-śrutaujas- tejaḥ-prabhāva-bala-pauruṣa-buddhi-yogāḥ | nārādhanāya hi bhavanti parasya puṁso bhaktyā tutoṣa bhagavān gaja-yūthapāya || abhijanaḥ sat-kula-janma | buddhir jñāna-yogaḥ | yogo'ṣṭāṅgaḥ || ||
О том, что она даёт влечение, имеющее предметом шри Бхагавана, сказано в «Так победившими шестёрку разрядов совершается преданность Владыке» и далее. А что иные сомневаются, ссылаясь на «Пусть так, о милый: Бхагаван Мукунда даёт чтущим освобождение, но сопряжение преданности — когда-либо да и не даёт», будто бы то влечение не обретается, — это лишь от неразличения. Ведь смысл слова «когда-либо» получается такой: именно при ослаблении того, что влечение, зовущееся сопряжением преданности, есть цель человека; притом не сказано «когда-либо вовсе», а по словарю Амары «чит» и «чана» стоят при неполноте. И всё же словом «когда-либо» постигается: если повторение будет долгим, он даёт и влечение — по «Истинно даёт он испрошенное, когда люди просят» и далее.
Приведено и то, что она единственная причина любви Бхагавана, имеющей предметом преданного: «Не довольно ни дваждырождённости, ни божественности» и далее. Так же он говорит: «Считаю: богатство, род, облик, подвижничество, учёность, мощь, сила, влияние, крепость, мужество, разум и соединения не служат умилостивлению высшего мужа; Бхагаван удовлетворился преданностью вожака слонов». «Род» — рождение в благом семействе; «разум» — сопряжение со знанием; «соединение» — восьмичленное.
3cd11c1ecd97 · 发布于 2026年9月21日 00:52:07 UTC
可用语言RU用方向键翻颂
Возражение снято не силою, а грамматикой: «когда-либо» не значит «никогда» — оно оставляет исключение, и на нём всё держится.