ननु निरतिशयनित्यानन्दरूपस्य भगवतः कथं तया सुखम् उत्पद्येत, निरतिशयत्वनित्यत्वयोर् विरोधात्? उच्यते—शास्त्रे खलु निरतिशयानन्दत्वं नित्यत्वं च भगवतः श्रूयते । भक्तेर् अपि तथा तत्प्रीतिहेतुत्वं श्रूयते । तत एवं गम्यते—तस्य परमानन्दैकरूपस्य स्वपरानन्दिनी स्वरूपशक्तिर् या ह्लादिनीनाम्नी वर्तते, प्रकाशवस्तुनः स्वपरप्रकाशनशक्तिवत् परमवृत्तिरूपैवैषा । तां च भगवान् स्ववृन्दे निक्षिपन्न् एव नित्यं वर्तते । तत्सम्बन्धेन च स्वयम् अतितरां प्रीणातीति । अत एव तस्य प्रीतिरूपस्यापि भक्तिप्रीणनीयत्वम् आह— यत्प्रीणनाद् बर्हिषि देवतिर्यङ् मनुष्यवीरुत्तृणम् आविरिञ्चात् । प्रीयेत सद्यः स ह विश्वजीवः प्रीतः स्वयं प्रीतिम् अगाद् गयस्य ॥ विश्वजीवः सर्वजीवनहेतुः । देवादीनां द्वन्द्वैक्यम् । प्रीतिः सुखरूपोऽपि ॥ ॥
nanu niratiśaya-nityānanda-rūpasya bhagavataḥ kathaṁ tayā sukham utpadyeta, niratiśayatva-nityatvayor virodhāt? ucyate—śāstre khalu niratiśayānandatvaṁ nityatvaṁ ca bhagavataḥ śrūyate | bhakter api tathā tat-prīti-hetutvaṁ śrūyate | tata evaṁ gamyate—tasya paramānandaika-rūpasya sva-parānandinī svarūpa-śaktir yā hlādinī-nāmnī vartate, prakāśa-vastunaḥ sva-para-prakāśana-śaktivat parama-vṛtti-rūpaivaiṣā | tāṁ ca bhagavān sva-vṛnde nikṣipann eva nityaṁ vartate | tat-sambandhena ca svayam atitarāṁ prīṇātīti | ata eva tasya prīti-rūpasyāpi bhakti-prīṇanīyatvam āha— yat-prīṇanād barhiṣi deva-tiryaṅ- manuṣya-vīrut-tṛṇam āviriñcāt | prīyeta sadyaḥ sa ha viśva-jīvaḥ prītaḥ svayaṁ prītim agād gayasya || viśva-jīvaḥ sarva-jīvana-hetuḥ | devādīnāṁ dvandvaikyam | prītiḥ sukha-rūpo'pi || ||
Но как у Бхагавана, чей облик есть непревосходимое вечное блаженство, порождалось бы ею счастье, — ведь непревосходимость и вечность тому противоречат? Отвечается: в шастре слышатся и непревосходимая блаженность Бхагавана, и его вечность; слышится там и то, что преданность есть причина его любви. Отсюда постигается вот что: у него, чей облик — единое высшее блаженство, пребывает сила своеобразия по имени хладини, радующая и его самого, и других; она есть облик его высшего состояния — как у светящейся вещи сила освещать себя и других. И Бхагаван вечно пребывает, влагая её в свой сонм, и связью с ними сам радуется чрезвычайно.
Оттого он и говорит, что и он, сам будучи обликом любви, радуется преданностью: «Тот, кто есть жизнь вселенной, удовлетворением которого на жертвенной траве тотчас возрадовались бы бог, зверь, человек, лоза и трава — вплоть до Виринчи, — сам, довольный, обрёл любовь Гаи». «Жизнь вселенной» — причина жизни всего. «Бог» и прочее стоят в двандве, как одно. И любовь есть облик счастья.
7ab9c22aef28 · प्रकाशित 21 सित॰ 2026, 12:52:07 am UTC
उपलब्ध भाषाएँRUश्लोक बदलें इन कुंजियों से
Противоречие снято понятием силы: блаженство не прибавляется извне — оно играет в своих, и через них возвращается к Нему.