तत्रोत्तरं श्रीहविर् उवाच— सर्वभूतेषु यः पश्येद् भगवद्भावम् आत्मनः । भूतानि भगवत्य् आत्मन्य् एष भागवतोत्तमः ॥ तत्र तत्तदनुभवद्वारावगम्येन मानसलिङ्गेन महाभागवतं लक्षयति—सर्वभूतेष्व् इत्यादि । एवंव्रतः स्वप्रियनामकीर्त्या जातानुरागो द्रुतचित्त उच्चैः इति श्रीकविवाक्योक्तरीत्या यश् चित्तद्रवहासरोदनाद्यनुभावकानुरागवशत्वात् खं वायुम् अग्निम् इत्यादितदुक्तप्रकारेणैव चेतनाचेतनेषु सर्वभूतेषु आत्मनो भगवद्भावम् आत्माभीष्टो यो भगवदाविर्भावः, तम् एवेत्य् अर्थः । पश्येद् अनुभवति । अतस् तानि च भूतानि आत्मनि स्वचित्ते तथा स्फुरति यो भगवान्, तस्मिन्न् एव तदाश्रितत्वेनैव अनुभवति, एष भागवतोत्तमो भवति । इत्थम् एव श्रीव्रजदेवीभिर् उक्तम्—वनलतास् तरव आत्मनि विष्णुं व्यञ्जयन्त्य इव पुष्पफलाढ्याः इत्यादि । यद् वा, आत्मनो यो भगवति भावः प्रेमा, तम् एव चेतनाचेतनेषु भूतेषु पश्यति । शेषं पूर्ववत् । अत एव भक्तरूपतदधिष्ठानबुद्धिजातभक्त्या तानि नमस्करोतीति खं वायुम् इत्यादौ पूर्वम् उक्तम् इति भावः । तथैव चोक्तं ताभिर् एव— नद्यस् तदा तद् उपधार्य मुकुन्दगीतम् आवर्तलक्षितमनोभवभग्नवेगाः ॥ इत्यादि । यद् वा, श्रीपट्टमहिषीभिर् अपि कुररि विलपसि त्वम् इत्यादि । अत्र न ब्रह्मज्ञानान्य् अभिधीयते, भागवतैस् तज्ज्ञानस्य तत्फलस्य च हेयत्वेन जीवभगवद्विभागाभावेन च भागवतत्वविरोधात्, अहैतुक्य् अव्यवहिता इत्यादौ ह्य् ऐकान्तिकभक्तिलक्षणानुसारेण सुतराम् उत्तमत्वविरोधाच् च । न च निराकारेश्वरज्ञानं प्रणयरशनया धृताङ्घ्रिपद्मः इत्य् उपसंहारगतलक्षणपरमकाष्ठाविरोधाद् एवेति विवेचनीयम् ।
tatrottaraṁ śrī-havir uvāca— sarva-bhūteṣu yaḥ paśyed bhagavad-bhāvam ātmanaḥ | bhūtāni bhagavaty ātmany eṣa bhāgavatottamaḥ || tatra tat-tad-anubhava-dvārāvagamyena mānasa-liṅgena mahā-bhāgavataṁ lakṣayati—sarva-bhūteṣv ity-ādi | evaṁ-vrataḥ sva-priya-nāma-kīrtyā jātānurāgo druta-citta uccaiḥ iti śrī-kavi-vākyokta-rītyā yaś citta-drava-hāsa-rodanādy-anubhāvakānurāga-vaśatvāt khaṁ vāyum agnim ity-ādi-tad-ukta-prakāreṇaiva cetanācetaneṣu sarva-bhūteṣu ātmano bhagavad-bhāvam ātmābhīṣṭo yo bhagavad-āvirbhāvaḥ, tam evety arthaḥ | paśyed anubhavati | atas tāni ca bhūtāni ātmani sva-citte tathā sphurati yo bhagavān, tasminn eva tad-āśritatvenaiva anubhavati, eṣa bhāgavatottamo bhavati | ittham eva śrī-vraja-devībhir uktam—vana-latās tarava ātmani viṣṇuṁ vyañjayantya iva puṣpa-phalāḍhyāḥ ity-ādi | yad vā, ātmano yo bhagavati bhāvaḥ premā, tam eva cetanācetaneṣu bhūteṣu paśyati | śeṣaṁ pūrvavat | ata eva bhakta-rūpa-tad-adhiṣṭhāna-buddhi-jāta-bhaktyā tāni namaskarotīti khaṁ vāyum ity-ādau pūrvam uktam iti bhāvaḥ | tathaiva coktaṁ tābhir eva— nadyas tadā tad upadhārya mukunda-gītam āvarta-lakṣita-mano-bhava-bhagna-vegāḥ || ity-ādi | yad vā, śrī-paṭṭa-mahiṣībhir api kurari vilapasi tvam ity-ādi | atra na brahma-jñānāny abhidhīyate, bhāgavatais taj-jñānasya tat-phalasya ca heyatvena jīva-bhagavad-vibhāgābhāvena ca bhāgavatatva-virodhāt, ahaituky avyavahitā ity-ādau hy aikāntika-bhakti-lakṣaṇānusāreṇa sutarām uttamatva-virodhāc ca | na ca nirākāreśvara-jñānaṁ praṇaya-raśanayā dhṛtāṅghri-padmaḥ ity upasaṁhāra-gata-lakṣaṇa-parama-kāṣṭhā-virodhād eveti vivecanīyam |
Ответом на это шри Хавир сказал: «Кто во всех существах видел бы своё явление Бхагавана, а существа — в Бхагаване, в Себе, тот — высший бхагавата». Здесь великого бхагавату он определяет умственным признаком, постигаемым вратами того и того переживания: «во всех существах» и далее. Тем чином, о котором сказано речением шри Кави — «Такой обет держащий, обретший привязанность от воспевания дорогого имени, с растаявшим сердцем, громко…», — тот, кто подвластен привязанности, проявляющейся таянием сердца, смехом, плачем и прочим, именно тем образом, что сказан там: «пространство, ветер, огонь» и далее, — во всех существах, одушевлённых и неодушевлённых, видит «своё явление Бхагавана», то есть желанное себе проявление Бхагавана, именно его: таков смысл. «Видел бы» — переживает. И оттого те существа «в Себе», то есть в собственном сознании, в том самом Бхагаване, который в нём является, — их он переживает как на Нём опирающихся; такой и есть высший бхагавата. Так и сказано богинями Враджа: «Лесные лианы и деревья, богатые цветами и плодами, как будто являют в себе Вишну» и далее.
Или же: «своё настроение к Бхагавану», любовь — её самую он видит в существах, одушевлённых и неодушевлённых; остальное как прежде. Оттого и говорится, что он кланяется им преданностью, рождённою из разумения их как облика преданного и как его вместилища, — об этом прежде сказано в «пространство, ветер» и далее; таково настроение. Так же сказано и ими: «Реки, восприняв тогда пение Мукунды, выдали водоворотами сердечное волнение, и течение их сломилось» и далее. Или же — главными царицами: «О курари, ты рыдаешь» и далее.
Здесь речь не о знании брахмана: бхагаваты отвергают и это знание, и его плод, а отсутствие различия между душою и Бхагаваном противоречит самой бхагаватности; и по определению безраздельной преданности в «беспричинная, непрерывная» и далее это тем более противоречит высшести. И не знание о бесформенном Владыке: оно противоречит тому определению, которым завершается разбор, высшему его пределу — «тот, чьи стопы-лотосы удержаны верёвкою нежности». Так должно рассудить.
19dc77dca0d8 · प्रकाशित 21 सित॰ 2026, 12:52:07 am UTC
उपलब्ध भाषाएँRUश्लोक बदलें इन कुंजियों से
Высшесть здесь не в широте зрения, а в том, что именно видится: не единое без свойств, а желанный Облик — и потому мера остаётся прежней, любовь.