इति सहचरकृतसरसरभसपरिहासहासपेशलवदनविधुरविधुरमहा महामधुरो विरचितवंशीध्वानमध्वानमभिसारयन् धेनुगणं दिशि विदिशि विहितविलोकनो लोकनोनूह्यमानचरितो धनमहसा महसादरेणेव निरुध्यमानप्रसारसारस्यैः कुवलयवलयमहामारकतकतमप्रमुखमुखमोटनकरैरङ्गतरङ्गतरलता समधिकोच्छद्भिरतिविस्मयधामभिर्धामभिरन्यादृश्य इव दृश्यमानोऽमानोदारश्रीः सजलधरजलधरणितलचलनचलनबालधीनां खरखुरखुरप्रक्षोदेनापि नोद्धूलितधूलीनां धेनूनां गणमनु मनुजाकृतिब्रह्मतया मतयाख्यातः ख्यातः परागतपरागोपरागो नीलसरोजस्तोम इव द्वितीय इव महीमहीयःसौभाग्यरूपी रूपी घनरसदः पीनापीनाभोगभारविवशतया मन्दमन्दमलसमलसमुपव्रजन्तीर्व्रजन्तीव्रतया चालयितुं त्वराव्यञ्जकेन रक्षकेन रंहसा वेणुनिनदस्य धेनुर्नोदयन्नदूरे पुरश्रियं ददर्श ॥56॥
iti sahacarakṛtasarasarabhasaparihāsahāsapeśalavadanavidhuravidhuramahā mahāmadhuro viracitavaṁśīdhvānamadhvānamabhisārayan dhenugaṇaṁ diśi vidiśi vihitavilokano lokanonūhyamānacarito dhanamahasā mahasādareṇeva nirudhyamānaprasārasārasyaiḥ kuvalayavalaya-mahāmārakata-katamapramukhamukhamoṭanakarairaṅgataraṅgataralatā samadhikocchadbhirativismayadhāmabhirdhāmabhiranyādṛśya iva dṛśyamāno'mānodāraśrīḥ sajaladharajaladharaṇitala-calanacalanabāladhīnāṁ kharakhurakhuraprakṣodenāpi noddhūlitadhūlīnāṁ dhenūnāṁ gaṇamanu manujākṛtibrahmatayā matayākhyātaḥ khyātaḥ parāgataparāgoparāgo nīlasarojastoma iva dvitīya iva mahīmahīyaḥsaubhāgyarūpī rūpī ghanarasadaḥ pīnāpīnābhogabhāravivaśatayā mandamandamalasamalasamupavrajantīrvrajantīvratayā cālayituṁ tvarāvyañjakena rakṣakena raṁhasā veṇuninadasya dhenurnodayannadūre puraśriyaṁ dadarśa ||56||
Так, с лицом-луной, прелестным от весёлых шуток друзей, великий сладостью, заиграв на флейте, направляя стадо по дороге, оглядывая стороны света, чьи деяния непостижимы, — он был видим словно иным: сиянием, как тучи, словно почтительно сдерживаемым; сиянием — дивнее венцов синих лотосов, лучших изумрудов и прочего, — колеблемым волнами тела; — Высший Брахман в облике человека, лишённый пылинки страсти, как второе скопление синих лотосов, воплощённая удача земли, дающий густую расу, — он шёл за стадом коров, которые, ступая по земле, влажной от воды, не поднимали пыли даже острыми копытами; погоняя быстрым звуком флейты коров, медленно бредущих под тяжестью налитого вымени, — он увидел неподалёку красу города.
55b3eea42b7c · опубликовано 29 сент. 2026 г., 00:58:01 UTC
Доступно наRUЛистайте стихи клавишами
Кришна гонит стадо домой.