तद् एवं ज्ञानमुक्तम् । इदम् एव स्वभावोऽध्यात्मम् उच्यते इत्य् अनेन श्रीगीतासूक्तम् । स्वस्य शुद्धस्यात्मनो भावो भावना, आत्मन्य् अधिकृत्य वर्तमानत्वाद् अध्यात्मशब्देनोच्यत इत्य् अर्थः । अथाहंग्रहोपासनं तच्छक्तिविशिष्ट ईश्वर एवाहम् इति चिन्तनम् । अस्य फलं स्वस्मिंस् तच्छक्त्याद्याविर्भावः, यथा विष्णुपुराणे नागपाशादियन्त्रितः श्रीप्रह्लादस् तादृशम् आत्मानं स्मरन् नागपाशादिकम् उत्सारितवान् । अत्रान्तिमफलं च कीटपेशस्कृन्न्यायेन सारूप्यसार्ष्ट्यादिकं ज्ञेयम् । अथ भक्तिः । तस्यास् तटस्थलक्षणं स्वरूपलक्षणं च, यथा गरुडपुराणे— विष्णुभक्तिं प्रवक्ष्यामि यया सर्वम् अवाप्यते । यथा भक्त्या हरिस् तुष्येत् तथा नान्येन केनचित् ॥ इत्य् उक्त्वाह— भज इत्य् एष वै धातुः सेवायां परिकीर्तितः । तस्मात् सेवा बुधैः प्रोक्ता भक्तिः साधनभूयसी ॥ इति । यया सर्वम् अवाप्यते इति तटस्थलक्षणम् । अत्र च अकामः सर्वकामो वा इत्यादिसिद्धत्वाद् अव्याप्त्यभावः । यथा भक्त्या इत्याद्युक्तत्वाद् अतिव्याप्त्यभावः । बुधैः प्रोक्तत्वाद् असम्भवाभावश् च । सेवाशब्देन स्वरूपलक्षणम् । सा च सेवा कायिकवाचिकमानसात्मिका त्रिविधैवानुगतिर् उच्यते । अत एव भयद्वेषादीनाम् अहङ्ग्रहोपासनायाश् च व्यावृत्तिः । साधनभूयसी साधनेषु श्रेष्ठेत्य् अर्थः । तद् एव लक्षणद्वयं प्रकारान्तरेणाह— ये वै भगवता प्रोक्ता उपाया ह्य् आत्मलब्धये । अञ्जः पुंसाम् अविदुषां विद्धि भागवतान् हि तान् ॥ अविदुषां पुंसां तन्माहात्म्यम् अविद्वद्भिर् अपि कर्तृभिः । आत्मनः—ब्रह्म परमात्मा भगवान् इत्य् आविर्भावभेदवतः स्वस्य कर्मभूतस्य अञ्जः अनायासेनैव लब्धये लाभाय ये उपायाः साधनानि स्वयं भगवता— कालेन नष्टा प्रलये वाणीयं वेदसंज्ञिता । मयादौ ब्रह्मणे प्रोक्ता धर्मो यस्यां मदात्मकः ॥ इत्य् अनुसारेण प्रोक्ताः । तान् उपायान् भागवतान् धर्मान् विद्धि । हि प्रसिद्धौ । तत्र साक्षाद् भक्तेर् अपि भागवतधर्माख्यत्वं, एतावान् एव लोकेऽस्मिन् इत्य् अत्र परमधर्मत्वख्यापनया दर्शितम् । अत्र आत्मलब्धये प्रोक्ता इति तटस्थलक्षणम्, अन्येन तदलाभाद् अव्यभिचारि । आत्मलब्धय उपाया इति स्वरूपलक्षणम्, तल्लाभोपायो हि तदनुगतिर् एव ॥ ॥
tad evaṁ jñānamuktam | idam eva svabhāvo'dhyātmam ucyate ity anena śrī-gītāsūktam | svasya śuddhasyātmano bhāvo bhāvanā, ātmany adhikṛtya vartamānatvād adhyātma-śabdenocyata ity arthaḥ | athāhaṁgrahopāsanaṁ tac-chakti-viśiṣṭa īśvara evāham iti cintanam | asya phalaṁ svasmiṁs tac-chakty-ādy-āvirbhāvaḥ, yathā viṣṇu-purāṇe nāgapāśādi-yantritaḥ śrī-prahlādas tādṛśam ātmānaṁ smaran nāgapāśādikam utsāritavān | atrāntima-phalaṁ ca kīṭa-peśaskṛn-nyāyena sārūpya-sārṣṭy-ādikaṁ jñeyam | atha bhaktiḥ | tasyās taṭastha-lakṣaṇaṁ svarūpa-lakṣaṇaṁ ca, yathā garuḍa-purāṇe— viṣṇu-bhaktiṁ pravakṣyāmi yayā sarvam avāpyate | yathā bhaktyā haris tuṣyet tathā nānyena kenacit || ity uktvāha— bhaja ity eṣa vai dhātuḥ sevāyāṁ parikīrtitaḥ | tasmāt sevā budhaiḥ proktā bhaktiḥ sādhana-bhūyasī || iti | yayā sarvam avāpyate iti taṭastha-lakṣaṇam | atra ca akāmaḥ sarva-kāmo vā ity-ādi-siddhatvād avyāpty-abhāvaḥ | yathā bhaktyā ity-ādy-uktatvād ativyāpty-abhāvaḥ | budhaiḥ proktatvād asambhavābhāvaś ca | sevā-śabdena svarūpa-lakṣaṇam | sā ca sevā kāyika-vācika-mānasātmikā trividhaivānugatir ucyate | ata eva bhaya-dveṣādīnām ahaṅgrahopāsanāyāś ca vyāvṛttiḥ | sādhana-bhūyasī sādhaneṣu śreṣṭhety arthaḥ | tad eva lakṣaṇa-dvayaṁ prakārāntareṇāha— ye vai bhagavatā proktā upāyā hy ātma-labdhaye | añjaḥ puṁsām aviduṣāṁ viddhi bhāgavatān hi tān || aviduṣāṁ puṁsāṁ tan-māhātmyam avidvadbhir api kartṛbhiḥ | ātmanaḥ—brahma paramātmā bhagavān ity āvirbhāva-bhedavataḥ svasya karma-bhūtasya añjaḥ anāyāsenaiva labdhaye lābhāya ye upāyāḥ sādhanāni svayaṁ bhagavatā— kālena naṣṭā pralaye vāṇīyaṁ veda-saṁjñitā | mayādau brahmaṇe proktā dharmo yasyāṁ mad-ātmakaḥ || ity anusāreṇa proktāḥ | tān upāyān bhāgavatān dharmān viddhi | hi prasiddhau | tatra sākṣād bhakter api bhāgavata-dharmākhyatvaṁ, etāvān eva loke'smin ity atra parama-dharmatva-khyāpanayā darśitam | atra ātma-labdhaye proktā iti taṭastha-lakṣaṇam, anyena tad-alābhād avyabhicāri | ātma-labdhaya upāyā iti svarūpa-lakṣaṇam, tal-lābhopāyo hi tad-anugatir eva || ||
Итак, знание сказано. Оно же названо в шри Гите словами «природа именуется адхьятмою»: состояние своего чистого атмана есть представление; поскольку оно пребывает, касаясь атмана, оно и называется словом «адхьятма»; таков смысл.
Затем — почитание, где схватывают себя самого: помышление «я и есть Владыка, отличённый тою силою». Плод его — проявление той силы и прочего в себе самом, как в Вишну-пуране: шри Прахлада, стянутый змеиными путами, помянув себя таковым, сбросил путы. А конечный плод здесь надо знать по правилу червя и осы — единообразие, равновластие и прочее.
Затем преданность. У неё есть пограничное определение и определение по природе, как в Гаруда-пуране: «Изреку преданность Вишну, которою обретается всё; как доволен Хари преданностью, так не доволен ничем иным», — и, сказав так, он говорит: «Корень „бхадж“ воистину возглашён в значении служения; потому мудрые назвали преданностью служение, обильнейшее из средств». «Которою обретается всё» — пограничное определение. Неохвата здесь нет, ибо это доказано словами «без желания или полный всех желаний» и далее; чрезмерного охвата нет из сказанного «как преданностью» и далее; а невозможности нет, ибо названо мудрыми. Словом «служение» дано определение по природе. И это служение — телесное, речевое и умственное по сути — называется троякое следование. Оттого и исключаются страх, ненависть и прочее, а также почитание, где схватывают себя. «Обильнейшая из средств» — лучшая среди средств; таков смысл.
Ту же двоицу определений он говорит иначе: «Те средства, что изречены Бхагаваном ради лёгкого обретения Себя людьми несведущими, — знай их бхагаватскими». «Несведущих людей» — совершителями, даже не знающими Его величия. «Себя» — то есть Его самого, ставшего предметом и имеющего различие явлений: брахман, Параматман, Бхагаван; «легко» — без усилия; «ради обретения» — к обретению; те средства, снасти, что изречены самим Бхагаваном согласно «Эта речь, именуемая Ведою, утраченная со временем при растворении, была вначале изречена мною Брахме; закон в ней состоит из меня». Те средства знай бхагаватскими законами. «Ведь» — по известности. А что и сама непосредственная преданность зовётся бхагаватским законом, показано здесь провозглашением её высшим законом — «лишь столько в этом мире». «Изречены ради обретения Себя» — пограничное определение, неуклонное, ибо иным Он не обретается; «средства к обретению Себя» — определение по природе, ибо средство обрести Его есть именно следование Ему.
138f561befb6 · publicado 21 sept 2026, 0:52:07 UTC
Disponible enRUPasa de verso en verso con
Два определения не спорят: одно говорит, по чему преданность узнают снаружи — по тому, что ею достигают всего; другое — чем она есть изнутри, служением.