अथ द्वितीयं गद्यम्— एवं कर्मविशुद्ध्या विशुद्धसत्त्वस्यान्तर्हृदयाकाशशरीरे ब्रह्मणि भगवति वासुदेवे महापुरुषरूपोपलक्षणे श्रीवत्सकौस्तुभवनमालारिदरगदादिभिर् उपलक्षिते निजपुरुषहृल्लिखितेनात्मनि पुरुषरूपेण विरोचमान उच्चैस्तरां भक्तिर् अनुदिनम् एधमानरयाजायत ॥ इति । एवं पूर्वोक्तप्रकारेण कर्मविशुद्ध्या विशुद्धसत्त्वस्य भक्तिः सश्रद्धश्रवणकीर्तनादिलक्षणा अजायत इत्य् अन्वयः । क्वचिद्भगवति वासुदेवे पूर्णस्वरूपभगाभ्यां सर्वनिवासेन च तत्तन्नाम्ना प्रसिद्धे, अन्तर्हृदये य आकाशः, स एव शरीरं स्वस्यैवाविर्भावविशेषाधिष्ठानं यस्य तस्मिन्न् अन्तर्यामिणि परमात्माख्ये, ब्रह्मणि निर्विशेषाविर्भावात् तदाख्ये च । भगवतो निराकारत्वं वारयति—महापुरुषस्य यद् रूपं शास्त्रे श्रूयते तद् रूपं लक्ष्यते दृश्यते यत्र तस्मिन् । किं च, श्रीवत्सादिभिर् अपि चिह्निते । एधमानरया वर्धमानप्रकर्षा ॥ ॥
atha dvitīyaṁ gadyam— evaṁ karma-viśuddhyā viśuddha-sattvasyāntar-hṛdayākāśa-śarīre brahmaṇi bhagavati vāsudeve mahā-puruṣa-rūpopalakṣaṇe śrīvatsa-kaustubha-vana-mālāri-dara-gadādibhir upalakṣite nija-puruṣa-hṛl-likhitenātmani puruṣa-rūpeṇa virocamāna uccaistarāṁ bhaktir anudinam edhamāna-rayājāyata || iti | evaṁ pūrvokta-prakāreṇa karma-viśuddhyā viśuddha-sattvasya bhaktiḥ sa-śraddha-śravaṇa-kīrtanādi-lakṣaṇā ajāyata ity anvayaḥ | kvacidbhagavati vāsudeve pūrṇa-svarūpa-bhagābhyāṁ sarva-nivāsena ca tat-tan-nāmnā prasiddhe, antar-hṛdaye ya ākāśaḥ, sa eva śarīraṁ svasyaivāvirbhāva-viśeṣādhiṣṭhānaṁ yasya tasminn antaryāmiṇi paramātmākhye, brahmaṇi nirviśeṣāvirbhāvāt tad-ākhye ca | bhagavato nirākāratvaṁ vārayati—mahā-puruṣasya yad rūpaṁ śāstre śrūyate tad rūpaṁ lakṣyate dṛśyate yatra tasmin | kiṁ ca, śrīvatsādibhir api cihnite | edhamāna-rayā vardhamāna-prakarṣā || ||
Затем второй прозаический отрывок: «Так, у того, чьё существо очищено очищением деяния, в брахмане, Бхагаване Васудеве, чьё тело — пространство внутри сердца, являющем облик великого Мужа, отмеченном шриватсою, каустубхою, лесною гирляндою, диском, раковиною, булавою и прочим, сияющем в нём самом обликом Мужа, начертанным в сердце своего человека, — родилась весьма высокая преданность, стремительность которой возрастала день ото дня». «Так» — прежде сказанным образом; у того, чьё существо очищено очищением деяния, родилась преданность, признак которой — слушание с верою, воспевание и прочее; такова связь. Кое-где: «в Бхагаване Васудеве» — известном под этими именами по полноте природы и величия и как обитель всего; в том внутреннем правителе, зовомом Параматманом, у которого телом — то пространство внутри сердца, вместилище особого Его собственного явления; «в брахмане» — зовомом так по безразличному явлению. И он отводит бесформенность Бхагавана: в том, где являем, видим тот облик великого Мужа, который слышится в писании; и, более того, отмеченном шриватсою и прочим. «Возрастающая стремительность» — сила, которая растёт.
45542da13d95 · publicado 21 sept 2026, 0:52:07 UTC
Disponible enRUPasa de verso en verso con
Очищение деяния кончается не покоем, а рождением: тем же сердцем, что было местом жертвы, оказывается место, где виден облик.