अथ श्रुतौ—भक्तिर् एवैनं नयति, भक्तिर् एवैनं दर्शयति भक्तिवशः पुरुषो भक्तिर् एव भूयसी इति श्रूयते । तस्माद् एवं विविच्यते—या चैवं भगवन्तं स्वानन्देन मदयति, सा किंलक्षणा स्यात्? इति । न तावत् साङ्ख्यानाम् इव प्राकृतसत्त्वमयमायिकानन्दरूपा, भगवतो मायानभिभाव्यत्वश्रुतेः स्वतस्तृप्तत्वाच् च । न च निर्विशेषवादिनाम् इव भगवत्स्वरूपानन्दरूपा, अतिशयानुपपत्तेः । अतो नतरां जीवस्य स्वरूपानन्दरूपा, अत्यन्तक्षुद्रत्वात् तस्य । ततः— ह्लादिनी सन्धिनी संवित् त्वय्य् एका सर्वसंश्रये । ह्लादतापकरी मिश्रा त्वयि नो गुणवर्जिते ॥ इति विष्णुपुराणानुसारेण ह्लादिन्याख्यतदीयस्वरूपशक्त्यानन्दरूपैवेत्य् अवशिष्यते, यया खलु भगवान् स्वरूपानन्दम् अनुभवति, यदानन्देनानन्दविशेषीभवति, ययैवं तं तम् आनन्दम् अन्यान् अप्य् अनुभावयतीति । अथ तस्या अपि भगवति सदैव वर्तमानतयातिशयानुपपत्तेस् त्व् एवं विवेचनीयं, श्रुतार्थान्यथानुपपत्त्यर्थापत्तिप्रमाणसिद्धत्वात् । तस्या ह्लादिन्या एव कापि सर्वानन्दातिशायिनी वृत्तिर् नित्यं भक्तवृन्देष्व् एव निक्षिप्यमाणा भगवत्प्रीत्याख्यया वर्तते । अतस् तदनुभवेन श्रीभगवान् अपि श्रीमद्भक्तेषु प्रीत्यतिशयं भजत इति । अत एव तत्सुखेन भक्तभगवतोः परस्परम् आवेशम् आह— साधवो हृदयं मह्यं साधूनां हृदयं त्व् अहम् । मदन्यत् ते न जानन्ति नाहं तेभ्यो मनाग् अपि ॥ मह्यं मम । हृदयेन स्वस्य सामानाधिकरण्ये बीजम् आह—मदन्यद् इति । अत्यन्तावशेनैकतापत्त्या ज्वलल्लोहादाव् अग्निव्यपदेशवद् अत्राप्य् अभेदनिर्देश इत्य् अर्थः ।
atha śrutau—bhaktir evainaṁ nayati, bhaktir evainaṁ darśayati bhakti-vaśaḥ puruṣo bhaktir eva bhūyasī iti śrūyate | tasmād evaṁ vivicyate—yā caivaṁ bhagavantaṁ svānandena madayati, sā kiṁ-lakṣaṇā syāt? iti | na tāvat sāṅkhyānām iva prākṛta-sattva-maya-māyikānanda-rūpā, bhagavato māyānabhibhāvyatva-śruteḥ svatas-tṛptatvāc ca | na ca nirviśeṣa-vādinām iva bhagavat-svarūpānanda-rūpā, atiśayānupapatteḥ | ato natarāṁ jīvasya svarūpānanda-rūpā, atyanta-kṣudratvāt tasya | tataḥ— hlādinī sandhinī saṁvit tvayy ekā sarva-saṁśraye | hlāda-tāpa-karī miśrā tvayi no guṇa-varjite || iti viṣṇu-purāṇānusāreṇa hlādiny-ākhya-tadīya-svarūpa-śakty-ānanda-rūpaivety avaśiṣyate, yayā khalu bhagavān svarūpānandam anubhavati, yad-ānandenānanda-viśeṣī-bhavati, yayaivaṁ taṁ tam ānandam anyān apy anubhāvayatīti | atha tasyā api bhagavati sadaiva vartamānatayātiśayānupapattes tv evaṁ vivecanīyaṁ, śrutārthānyathānupapatty-arthāpatti-pramāṇa-siddhatvāt | tasyā hlādinyā eva kāpi sarvānandātiśāyinī vṛttir nityaṁ bhakta-vṛndeṣv eva nikṣipyamāṇā bhagavat-prīty-ākhyayā vartate | atas tad-anubhavena śrī-bhagavān api śrīmad-bhakteṣu prīty-atiśayaṁ bhajata iti | ata eva tat-sukhena bhakta-bhagavatoḥ parasparam āveśam āha— sādhavo hṛdayaṁ mahyaṁ sādhūnāṁ hṛdayaṁ tv aham | mad-anyat te na jānanti nāhaṁ tebhyo manāg api || mahyaṁ mama | hṛdayena svasya sāmānādhikaraṇye bījam āha—mad-anyad iti | atyantāvaśenaikatāpattyā jvalal-lohādāv agni-vyapadeśavad atrāpy abheda-nirdeśa ity arthaḥ |
Далее в шрути слышится: «Бхакти его ведёт, бхакти его являет; человек подвластен бхакти; бхакти изобильнее». Потому разбирается вот что: та, что так опьяняет Бхагавана своим блаженством, — каков её признак?\n\nПрежде всего, она не есть, как у санкхьяиков, майическое блаженство, полное природной саттвы: ведь шрути говорит, что Бхагавана майя не одолевает, и он удовлетворён сам собою. И не есть она, как у учителей бескачественного, блаженство собственного облика Бхагавана: тогда превосходство было бы несостоятельно. И тем более не есть блаженство собственного облика дживы: тот крайне ничтожен. Оттого, по Вишну-пуране — «хладини, сандхини, самвит в тебе, прибежище всего, одна; а творящая отраду и жар, смешанная, — не в тебе, лишённом гун», — остаётся, что она есть блаженство силы его собственного облика, именуемой хладини: ею Бхагаван переживает блаженство собственного облика, её блаженством становится особо блаженным и ею же даёт пережить то и то блаженство другим.\n\nДалее: раз и она всегда пребывает в Бхагаване, превосходство было бы несостоятельно, — и потому разбирать надо так, ибо это установлено свидетельством подразумевания, когда иначе слышанный смысл не складывается. Некая деятельность самой этой хладини, превосходящая все блаженства, всегда влагается именно в сонмы преданных и пребывает под именем любви к Бхагавану. Оттого, переживая её, и сам шри Бхагаван обретает превосходство любви к шримат преданным.\n\nОттого он и говорит о взаимном вхождении преданного и Бхагавана этою радостью: «Святые — моё сердце, а сердце святых — я; иного, чем я, они не знают, и я не знаю иного, чем они, ни чуть». «Моё» — моё. А основание тому, что он отождествляет себя с сердцем, он говорит словами «иного, чем я». Смысл: как в пылающем железе и прочем обозначают огонь, так и здесь неразличие указано через крайнюю подвластность, достигающую единства.
16756d91cae3 · publicado 21 sept 2026, 16:24:47 UTC
Disponible enRUPasa de verso en verso con
Вопрос поставлен как задача на исключение: не природная радость, не Его собственное блаженство, не блаженство дживы, — остаётся одно. Так находят не имя, а место, где любовь живёт.\n\nИ ответ на «почему же тогда превосходство»: сила эта у Него всегда, но одна её деятельность всегда отдана другим — в преданных.