अथ तत्प्रीतिमयो भयानकरसः । तत्रालम्बनश् चिकीर्षिततत्पीडनाद् दारुणात् यत् तदीयप्रीतिमयं भयं, तस्य विषयश् श्रीकृष्णः । तदाधारस् तत्प्रियजनश् च । किं च, स्वस्य तद्विच्छेदं कुर्वाणाद् यत् तादृशं भयं, यच् च स्वापराधकदर्थितात् श्रीकृष्णाद् एव वा स्यात् तस्य तस्य स्वविषयकत्वेऽपि पूर्ववत् प्रीतेर् विषयत्वात् श्रीकृष्ण एव मूलालम्बनः । भयहेतुस् तूद्दीपन एव भवेत् । विभाव्यते हि रत्यादिर् यत्र इति सप्तम्यर्थत्वस्य पूर्वत्रैव व्याप्तेः । येन इति तृतीयार्थस्य तूत्तरत्रैव व्याप्तेश् च । स्वविषयत्वे तु य एव विषयः स एवाधार इति भयांशमात्रविषयत्वेन पूर्ववद् बहिरङ्ग एवालम्बनोऽसौ । तदाधारत्वेन त्व् अन्तरङ्गोऽपि । अथोद्दीपनाः भीषणभ्रूकुट्याद्याः । अनुभावा मुखशोषाद्याः । व्यभिचारिणश् चापल्याद्याः । स्थायी तत्प्रीतिमयं भयम् । तदुदाहरणं च— जन्म ते मय्य् असौ पापो मा विद्यान् मधुसूदन । समुद्विजे भवद्धेतोः कंसाद् अहम् अधीरधीः ॥ अत्र विषयत्वेनैव हेतुत्वं न तु कारकान्तरत्वेन ।
atha tat-prītimayo bhayānaka-rasaḥ | tatrālambanaś cikīrṣita-tat-pīḍanād dāruṇāt yat tadīya-prīti-mayaṁ bhayaṁ, tasya viṣayaś śrī-kṛṣṇaḥ | tad-ādhāras tat-priya-janaś ca | kiṁ ca, svasya tad-vicchedaṁ kurvāṇād yat tādṛśaṁ bhayaṁ, yac ca svāparādha-kadarthitāt śrī-kṛṣṇād eva vā syāt tasya tasya sva-viṣayakatve'pi pūrvavat prīter viṣayatvāt śrī-kṛṣṇa eva mūlālambanaḥ | bhaya-hetus tūddīpana eva bhavet | vibhāvyate hi raty-ādir yatra iti saptamy-arthatvasya pūrvatraiva vyāpteḥ | yena iti tṛtīyārthasya tūttaratraiva vyāpteś ca | sva-viṣayatve tu ya eva viṣayaḥ sa evādhāra iti bhayāṁśa-mātra-viṣayatvena pūrvavad bahiraṅga evālambano'sau | tad-ādhāratvena tv antaraṅgo'pi | athoddīpanāḥ bhīṣaṇa-bhrū-kuṭyādyāḥ | anubhāvā mukha-śoṣādyāḥ | vyabhicāriṇaś cāpalyādyāḥ | sthāyī tat-prītimayaṁ bhayam | tad-udāharaṇaṁ ca— janma te mayy asau pāpo mā vidyān madhusūdana | samudvije bhavad-dhetoḥ kaṁsād aham adhīra-dhīḥ || atra viṣayatvenaiva hetutvaṁ na tu kārakāntaratvena |
Далее — страшная раса, полная той любви. Опора здесь: у страха, полного любви к нему и вызванного задуманным жестоким мучением его, предмет — шри Кришна, а вместилище — его дорогой человек. Более того: и тот страх, что родится от того, кто творит собственную разлуку с ним, и тот, что родится от самого шри Кришны, разгневанного по своей вине, — хотя предметом их и оказывается сам человек, коренная опора, как и прежде, шри Кришна, ибо он предмет любви. А причина страха будет лишь возжигающей: ведь «является рати и прочее где» охватывает смысл седьмого падежа в первом члене, а «чем» — смысл третьего во втором. Когда же предметом оказывается сам человек, — предмет и есть вместилище; и потому, будучи предметом одной лишь доли страха, он, как и прежде, лишь внешняя опора, а как вместилище — и внутренняя. Возжигающие — страшная хмурость бровей и прочее; анубхавы — сухость во рту и прочее; вьябхичари — вертлявость и прочее; стхайи — страх, полный той любви. Пример: «Пусть этот грешник не узнает о твоём рождении во мне, о Мадхусудана; ради тебя я трепещу перед Камсою, и разум мой нестоек». Здесь причинность именно предметная, а не иное падежное отношение.
a50dd45d629b · publicado 21 sept 2026, 16:24:47 UTC
Disponible enRUPasa de verso en verso con
Страх матери направлен не на себя: она боится за того, кто внутри неё, и именно это делает её страх частью любви.\n\nГрамматическая оговорка в конце не педантизм: она отделяет «боюсь из-за тебя» от «боюсь тебя».