तद् एव महामाहात्म्यं महासुखप्रदत्वं चोक्तम् । तद् एतद् उभयम् अप्य् अत्राह द्वाभ्याम्— तस्मिन् महन्मुखरिता मधुभिच् चरित्रपीयूषशेषसरितः परितः स्रवन्ति । ता ये पिबन्त्य् अवितृषो नृप गाढकर्णैस् तान् न स्पृशन्त्य् अशनतृड्भयशोकमोहाः ॥ तस्मिन् साधुसङ्गे । महद्भिर् मुखरिताः कीर्तिताः । शेषः सारः । अवितृषोऽलंबुद्धिशून्याः । गाढत्वं सावधानत्वम् । अशनं क्षुत् । एतैर् उपद्रुतो नित्यं जीवलोकः स्वभावजैः । न करोति हरेर् नूनं कथामृतनिधौ रतिम् ॥ यैर् एतैर् अशनादिभिर् उपद्रुतः सन् कथामृतनिधौ रतिं न करोति, तान् एतान् महत्कीर्त्यमानानि भगवद्यशांसि स्वमाहात्म्येन दूरीकृत्य स्वसुखम् अनुभावयन्तीति पद्यद्वययोजनार्थः ॥ ॥
tad eva mahā-māhātmyaṁ mahā-sukha-pradatvaṁ coktam | tad etad ubhayam apy atrāha dvābhyām— tasmin mahan-mukharitā madhubhic- caritra-pīyūṣa-śeṣa-saritaḥ paritaḥ sravanti | tā ye pibanty avitṛṣo nṛpa gāḍha-karṇais tān na spṛśanty aśana-tṛḍ-bhaya-śoka-mohāḥ || tasmin sādhu-saṅge | mahadbhir mukharitāḥ kīrtitāḥ | śeṣaḥ sāraḥ | avitṛṣo'laṁ-buddhi-śūnyāḥ | gāḍhatvaṁ sāvadhānatvam | aśanaṁ kṣut | etair upadruto nityaṁ jīva-lokaḥ svabhāvajaiḥ | na karoti harer nūnaṁ kathāmṛta-nidhau ratim || yair etair aśanādibhir upadrutaḥ san kathāmṛta-nidhau ratiṁ na karoti, tān etān mahat-kīrtyamānāni bhagavad-yaśāṁsi sva-māhātmyena dūrīkṛtya sva-sukham anubhāvayantīti padya-dvaya-yojanārthaḥ || ||
То самое — великая слава и способность давать великое счастье — сказано. И то и другое он говорит здесь двумя стихами: «В нём произнесённые великими реки нектара — сути деяний сокрушителя Мадху — текут всюду; и тех, кто пьёт их ненасытно, о царь, напряжёнными ушами, не касаются голод, жажда, страх, скорбь и морок». «В нём» — в общении с благими. Произнесённые, воспетые великими. «Суть» — сердцевина. «Ненасытные» — лишённые разумения «довольно». «Напряжённость» — внимательность. «Голод» — голод. «Мир живых, всегда терзаемый ими, рождёнными от природы, воистину не любит сокровищницы нектара сказаний о Хари». Смысл связи двух стихов таков: тех самых — голод и прочее, — терзаемый которыми он не любит сокровищницы нектара сказаний, — славы Бхагавана, воспеваемые великими, своею славою удаляют и дают пережить своё счастье.
d12416aa8c63 · published Sep 21, 2026, 12:52:07 AM UTC
Available inRUPage between verses with
Голод и страх не побеждены усилием и не объявлены несуществующими: их просто вытеснило то, чего слушающему всё мало.