एवं तादृशव्रतेष्व् अपि तत्तदुपासकानां स्वस्वेष्टदैवतव्रतं सुष्ठ्व् एव विधेयम् इत्य् आगतम् । तथास्मिन् पादसेवार्चनमार्गे, यानैर् वा पादुकैर् वापि गमनं भगवद्गृहे इत्यादिना आगमोक्ता ये द्वात्रिंशदपराधाः, तथा राजन्नभक्षणं चैवम् इत्यादिना वाराहोक्ता ये च तत्सङ्ख्यकाः, तथा मम शास्त्रं बहिष्कृत्य ह्य् अस्माकं यः प्रपद्यते इत्यादिना, तद् उक्ता ये चान्ये बहवस् ते सर्वे— ममार्चनापराधा ये कीर्त्यन्ते वसुधे मया । वैष्णवेन सदा ते तु वर्जनीयाः प्रयत्नतः ॥ इति वाराहानुसारेण परित्याज्याः । इत्य् आशयेनाह— श्रद्धयोपाहृतं प्रेष्ठं भक्तेन मम वार्य् अपि । भूर्य् अप्य् अभक्तोपहृतं न मे तोषाय कल्पते ॥ श्रद्धाभक्तशब्दाभ्याम् अत्रादर एव विधीयते । अपराधास् तु सर्वेऽनादरात्मका एव । प्रभुत्वावमानतश् च आज्ञावमानतश् च । तस्माद् अपराधनिदानम् अत्रानादर एव परित्याज्य इत्य् अर्थः ॥ ॥
evaṁ tādṛśa-vrateṣv api tat-tad-upāsakānāṁ sva-sveṣṭa-daivata-vrataṁ suṣṭhv eva vidheyam ity āgatam | tathāsmin pāda-sevārcana-mārge, yānair vā pādukair vāpi gamanaṁ bhagavad-gṛhe ity-ādinā āgamoktā ye dvātriṁśad-aparādhāḥ, tathā rājanna-bhakṣaṇaṁ caivam ity-ādinā vārāhoktā ye ca tat-saṅkhyakāḥ, tathā mama śāstraṁ bahiṣkṛtya hy asmākaṁ yaḥ prapadyate ity-ādinā, tad uktā ye cānye bahavas te sarve— mamārcanāparādhā ye kīrtyante vasudhe mayā | vaiṣṇavena sadā te tu varjanīyāḥ prayatnataḥ || iti vārāhānusāreṇa parityājyāḥ | ity āśayenāha— śraddhayopāhṛtaṁ preṣṭhaṁ bhaktena mama vāry api | bhūry apy abhaktopahṛtaṁ na me toṣāya kalpate || śraddhā-bhakta-śabdābhyām atrādara eva vidhīyate | aparādhās tu sarve'nādarātmakā eva | prabhutvāvamānataś ca ājñāvamānataś ca | tasmād aparādha-nidānam atrānādara eva parityājya ity arthaḥ || ||
Итак, получилось, что и в таких обетах почитателям того и того должно хорошо творить обет своего желанного божества. Так же на этом пути служения стопам и почитания должны быть оставлены — по Варахе, по «Оскорбления моего почитания, которые я возглашаю, о Земля, вайшнав должен усердно отвергать всегда», — все те тридцать два оскорбления, что сказаны агамою в «хождение в дому Бхагавана на повозках или в сандалиях» и далее; и столько же сказанных Варахою в «вкушение царской пищи и так далее» и далее; и многие иные, сказанные там же в «Кто, отвергнув моё писание, прибегает к нам» и далее. С этим намерением он говорит: «Даже вода, поднесённая с верою преданным, мне дражайша; а обильное, поднесённое непреданным, не служит мне к удовлетворению». Словами «с верою» и «преданным» здесь предписывается именно почтение; а все оскорбления состоят именно из непочтения — унижения Его господства и унижения Его повеления. Потому первопричина оскорблений здесь — непочтение, и его-то и надо оставить; таков смысл.
f68c88933277 · published Sep 21, 2026, 12:52:07 AM UTC
Available inRUPage between verses with
Длинные перечни оскорблений сводятся к одному: всё это способы обходиться с Ним без почтения, а вода, поднесённая с ним, оказывается дороже обильного дара.