अत एवावसरविशेषं प्राप्य तत्तद्गुणसमुदायविशेषाविर्भावाद् एक एवासौ तत्र तत्र पृथक् पृथग् इव धीरोदात्तादिव्यवहारचतुष्टयम् अपि प्रकाशयति । तत्र धीरोदात्तो यथा— गम्भीरो विनयी क्षन्ता करुणः सुदृढव्रतः । अकत्थनो गूढगर्वो धीरोदात्तः सुसत्त्वभृत् ॥ इति । एते च गुणा गोवर्धनोद्धारणादिशक्रसम्भाषान्तलीलायां व्यक्ताः सन्ति । अथ धीरललितः— विदग्धो नवतारुण्यः परिहासविशारदः । निश्चिन्तो धीरललितः स्यात् प्रायः प्रेयसीवशः ॥ एते च श्रीमद्व्रजदेवीसहितलीलायां सुष्ठु व्यक्ताः । अथ धीरशान्तः— शमप्रकृतिकः क्लेशसहनश् च विवेचकः । विनयादिगुणोपेतो धीरशान्त उदीर्यते ॥ एते च तादृशानां युधिष्ठिरादीनां सन्निधौ तत्पालनलीलायाम् उज्जृम्भते । अथ धीरोद्धतः— मात्सर्यवान् अहङ्कारी मायावी रोषणश् चलः । विकत्थनश् च विद्वद्भिर् धीरोद्धत उदाहृतः ॥ एते च तादृशान् असुरान् प्राप्य क्वचिद् उदयन्ते । अत एव दुष्टदण्डनहेतुत्वाद् एषां गुणत्वं च । तद् एवम् उद्दीपनेषु गुणा व्याख्याताः । अथ तेषु जातिर् द्विविधाः । तस्य तत्सम्बन्धसम्बन्धिनां चेति । तत्र तस्य जातिर् गोपत्वक्षत्रियत्वादिका । श्यामत्वकिशोरत्वादिकम् अन्यत्र तदुपमाबुद्धिजनकत्वं च । तत्सम्बन्धिनां जातिस् तु गोत्वादिका ज्ञेया । अथोद्दीपनेषु क्रिया लीला एव । ताश् च द्विविधाः । तत्र तत्सान्निध्येन मायया दर्शिताः । सृष्ट्यादयो मायिक्यः । तदीयश्रीविग्रहचेष्टास् तु स्मितविलासखेलानृत्ययुद्धादयः स्वरूपशक्तिमय्यः । श्रीविग्रहस्य स्वरूपानन्दैकरूपत्वात् । रमयात्मशक्त्या यद् यत् करिष्यति इति तृतीयस्थब्रह्मस्तवाच् च । ईश्वरस्यापि तस्य वर्तत एव स्वाभाविकं तदिच्छाकौतुकं लोकवत् तु लीलाकैवल्यम् इति न्यायेन । यथाह— एक एवेश्वरस् तस्मिन् सुरकार्ये सुरेश्वरः । विहर्तुकामस् तान् आह समुद्रोन्मथनादिभिः ॥ एक एवेश्वरः समर्थोऽपि इति टीका च । अत एव तत्तज्जातिलीलाभिनिवेशः श्रूयते, यथा विष्णुधर्मोत्तरे— यस्यां यस्यां यदा योनौ प्रादुर्भवति कारणात् । तद्योनिसदृशं वत्स तदा लोके विचेष्टते ॥ संहर्तुं जगदीशानः समर्थोऽपि तदा नृप । तद्योनिसदृशोपायैर् वध्यान् हिंसति यादव ॥ इत्यादि ।
ata evāvasara-viśeṣaṁ prāpya tat-tad-guṇa-samudāya-viśeṣāvirbhāvād eka evāsau tatra tatra pṛthak pṛthag iva dhīrodāttādi-vyavahāra-catuṣṭayam api prakāśayati | tatra dhīrodātto yathā— gambhīro vinayī kṣantā karuṇaḥ sudṛḍha-vrataḥ | akatthano gūḍha-garvo dhīrodāttaḥ su-sattva-bhṛt || iti | ete ca guṇā govardhanoddhāraṇādi-śakra-sambhāṣānta-līlāyāṁ vyaktāḥ santi | atha dhīra-lalitaḥ— vidagdho nava-tāruṇyaḥ parihāsa-viśāradaḥ | niścinto dhīra-lalitaḥ syāt prāyaḥ preyasī-vaśaḥ || ete ca śrīmad-vraja-devī-sahita-līlāyāṁ suṣṭhu vyaktāḥ | atha dhīra-śāntaḥ— śama-prakṛtikaḥ kleśa-sahanaś ca vivecakaḥ | vinayādi-guṇopeto dhīra-śānta udīryate || ete ca tādṛśānāṁ yudhiṣṭhirādīnāṁ sannidhau tat-pālana-līlāyām ujjṛmbhate | atha dhīroddhataḥ— mātsaryavān ahaṅkārī māyāvī roṣaṇaś calaḥ | vikatthanaś ca vidvadbhir dhīroddhata udāhṛtaḥ || ete ca tādṛśān asurān prāpya kvacid udayante | ata eva duṣṭa-daṇḍana-hetutvād eṣāṁ guṇatvaṁ ca | tad evam uddīpaneṣu guṇā vyākhyātāḥ | atha teṣu jātir dvividhāḥ | tasya tat-sambandha-sambandhināṁ ceti | tatra tasya jātir gopatva-kṣatriyatvādikā | śyāmatva-kiśoratvādikam anyatra tad-upamā-buddhi-janakatvaṁ ca | tat-sambandhināṁ jātis tu gotvādikā jñeyā | athoddīpaneṣu kriyā līlā eva | tāś ca dvividhāḥ | tatra tat-sānnidhyena māyayā darśitāḥ | sṛṣṭy-ādayo māyikyaḥ | tadīya-śrī-vigraha-ceṣṭās tu smita-vilāsa-khelā-nṛtya-yuddhādayaḥ svarūpa-śaktimayyaḥ | śrī-vigrahasya svarūpānandaika-rūpatvāt | ramayātma-śaktyā yad yat kariṣyati iti tṛtīya-stha-brahma-stavāc ca | īśvarasyāpi tasya vartata eva svābhāvikaṁ tad-icchā-kautukaṁ lokavat tu līlā-kaivalyam iti nyāyena | yathāha— eka eveśvaras tasmin sura-kārye sureśvaraḥ | vihartu-kāmas tān āha samudronmathanādibhiḥ || eka eveśvaraḥ samartho'pi iti ṭīkā ca | ata eva tat-taj-jāti-līlābhiniveśaḥ śrūyate, yathā viṣṇu-dharmottare— yasyāṁ yasyāṁ yadā yonau prādurbhavati kāraṇāt | tad-yoni-sadṛśaṁ vatsa tadā loke viceṣṭate || saṁhartuṁ jagad-īśānaḥ samartho'pi tadā nṛpa | tad-yoni-sadṛśopāyair vadhyān hiṁsati yādava || ity-ādi |
Оттого, получив особый случай, он — один и тот же — являет там и там особую совокупность тех или иных качеств и так проявляет, будто порознь, все четыре обыкновения: дхиродатту и прочие.\n\nДхиродатта — как: «Глубокий, скромный, терпеливый, сострадательный, прекрепкий в обете, не хвастливый, со скрытой гордостью, несущий благое существо — таков дхиродатта». Эти качества явны в игре от поднятия Говардхана до беседы с Шакрою.\n\nДхира-лалита: «Тонкий, в новой юности, искусный в шутке, беззаботный — таков дхира-лалита, обычно покорный возлюбленной». Эти вполне явны в игре вместе с жёнами шримад Враджа.\n\nДхира-шанта: «Природою шамы, сносящий тяготы, рассудительный, наделённый скромностью и прочими качествами, — зовётся дхира-шанта». Эти разворачиваются вблизи таковых — Юдхиштхиры и прочих — в игре их охранения.\n\nДхироддхата: «Завистливый, самомнительный, хитрый, гневливый, непостоянный и хвастливый — назван знатоками дхироддхатой». Эти восходят кое-где, при встрече с таковыми асурами. И они суть качества, ибо служат наказанию злых. Так истолкованы качества среди возжигающих.\n\nДалее, род в них двоякий: его собственный и тех, кто связан с ним. Его род — пастушество, кшатрийство и прочее; а также темнота, отрочество и прочее, и то, что в ином рождает мысль о подобии ему. Род же связанных с ним да будет знаем как коровность и прочее.\n\nДалее, деяние среди возжигающих — это и есть игры. Они двояки. Показанные майей при его близости — творение и прочее — майичны. А действия его шри образа — улыбка, забава, игра, пляска, битва и прочее — полны силы собственного облика, ибо шри образ есть единственно облик блаженства собственного облика. И по славословию Брахмы в третьей: «что и что сделает он Рамою, своею силою». Ведь и у владыки существует природное любопытство этой воли — по правилу «но, как у мирских, игра есть единственное».\n\nКак он говорит: «Один лишь владыка, владыка богов, желая поиграть в том деле богов, сказал им о пахтании океана и прочем». И толкование: «один лишь владыка» — то есть хоть и мог сам. Оттого и слышно о его поглощённости играми того или иного рода, как в «Вишну-дхармоттаре»: «В каком лоне и когда он является по причине, в том, о дитя, он и действует в мире подобно этому лону. И хотя владыка мира способен истребить, тогда, о царь, он губит подлежащих убийству средствами, подобающими этому лону, о Ядава» и далее.
3de9dc0f660c · published Sep 21, 2026, 4:24:47 PM UTC
Available inRUPage between verses with
Четыре типа героя, которыми поэтика делит разных людей, здесь оказываются четырьмя сторонами одного. Дхироддхата с его завистью и хвастовством назван качеством — но только там, где встречен асур.\n\nИ общее правило: приняв рождение, он играет по его правилам. Мог бы иначе — и не делает иначе, потому что тогда не было бы игры.